Solitudes representarase o próximo 2 de outubro no Pazo da Cultura de Carballo ás 21:00h. Despois de enviuvar repentinamente, un ancián séntese tan desvalido e só que sae á rúa en procura de compañía para xogar ás cartas. Non se resignará e non renunciará aos seus pequenos desexos, pelexando por eles con dignidade. A través do humor, esta sinxela historia afonda nas relación humanas, a incomunicación e a necesidade de afecto. Kulunka estivo no Outono de Teatro co seu primeiro traballo e a súa sensibilidade e especial técnica con máscaras deixou unha fonda pegada. A súa andadura internacional levounos a máis de 25 países en 4 continentes, con preto de 500 funcións. O mesmo equipo creativo puxo en pé esta obra que, sen unha soa palabra, resulta todo o contrario a inexpresivo.
Intérpretes: José Dault, Garbiñe Insausti e Edu Cárcamo
Escenografía e vestiario: Ikerne Giménez
Deseño e construción de máscaras: Garbiñe Insausti
Deseño e de iluminación: Carlos Samaniego “Sama”
música orixinal e deseño de son: Luis Miguel Cobos
Dramaturxia: Garbiñe Insausti, José Dault, Iñaki Rikarte, Edu Cárcamo, Rolando San Martín
Dirección: Iñaki Rikarte
