I ván tivo todo na vida: boa posición social e económica, estudos universitarios, grandes amigos e unha esposa que o amaba. Pero, por algún motivo que nin el mesmo logra explicar, a tristeza, a desesperación e o mal humor apodéranse del. Todos loitan para que volva ser o que era antes. O protagonista de Ivanov, a obra de Antón Chejov,transfórmase en contemporáneo, e a espléndida interpretación dun grande elenco converte a obra nunha experiencia conmovedora e divertida. Acollemos no noso festival a presentación en grande escenario dun espectáculo que colleitou un éxito rotundo en formato de proximidade. Con el emerxeu un novo concepto de espazo escénico en España, La casa de la Portera, na que o público se introduce na escena, e o teatro ten lugar a carón do espectador. En momentos de crise,responde tamén á inquietude dos propios artistas de buscar vías para amosar o seu traballo.
Intérpretes: Raúl Tejón, David González, Sabrina Praga, María Salama, Javier Delgado, Roberto Correcher, Iván Villanueva, Asun Díaz, Maribel Luis, Germán Torres e Cristina Alarcón
Espazo escénico: Alberto Puraenvidia
Ambientación musical: Antonio Martín
Versión e dirección: José Martret
