Unha parella coñécese a finais dos 80 na sala de festas Paraíso de Muros. Paraíso pechou e vinte e cinco anos despois Eva traballa no supermercado dunha gran cadea que abriu no mesmo local. A historia que separa aquela sala de festas do supermercado cóntase dende a mirada dunha filla, mirando aos seus pais a través do obxectivo dunha cámara,tratando de reconstruír a vida que nunca chegaron a ter e a transformación da nosa realidade máis próxima nestes últimos 25 anos. Tras recibir o Premio Nacional de Teatro, esta é a primeira produción desta compañía que naceu un par de anos antes que o FIOT e participou na nosa primeira edición co mítico Río Bravo, e que é esencial para entender a nosa realidade social, política e cultural. Esta comedia social, que emprega a linguaxe cinematográfica, é o retrato do desarraigo dunha xeración que tivo todo ao alcance da man e andou pola vida como se andase polo corredor dun supermercado.
Intérpretes: Patricia de Lorenzo, Miguel de Lira, Cristina Iglesias, Fidel Vázquez e Luís Martínez
Iluminación e son: Fidel Vázquez
Vídeos: Númax
Escenografía e vestiario: Chévere
música: Terbutalina
Espazo sonoro: Xacobe Martínez Antelo
Autor texto: Manuel Cortés
Axudante de dirección: Arantza Villar
Dramaturxia e dirección: Xron
